चारोळी- २०

आठवतय मला, अगदी पहिल्याच भेटीत,

माझं तुझ्या मनात घर करून राहणं...

आणि मग चेह-याच्या दारात, गुलाबी रंगाने,

तुझं मनमोहक हास्याची रांगोळी काढणं!

चारोळी- १९

काही नाते असतातच असे,

कधीही साथ न संपणारे,

सुकतात जरी झाडावरच काही फूलं,

तरी मरेपर्यंत देठ न सोडणारे!

चारोळी- १८

मनाला शब्द सापडले नाही की,
त्याच्या भावना अव्यक्तच राहतात...
म्हणूनच कदाचित अश्या वेळी डोळे..
त्या सुप्त भावनांना शब्दांशिवाय व्यक्त करून जातात!