चारोळी- २१

जुन्या वर्षाला निरोप देतांना,
एकच होती माझी इच्छा,
आयुष्यातील सर्व कडू आठवणी बाजुला सारून,
द्याव्यात तुला नव वर्षाच्या शुभेच्छा!

चारोळी- २०

आठवतय मला, अगदी पहिल्याच भेटीत,

माझं तुझ्या मनात घर करून राहणं...

आणि मग चेह-याच्या दारात, गुलाबी रंगाने,

तुझं मनमोहक हास्याची रांगोळी काढणं!

चारोळी- १९

काही नाते असतातच असे,

कधीही साथ न संपणारे,

सुकतात जरी झाडावरच काही फूलं,

तरी मरेपर्यंत देठ न सोडणारे!