चारोळी- २४

अश्याच एका पहाटे, एकाच फ़ांदीवर गुलाबाची दोन फूलं,
गुलाबी थंडीत हवेच्या तालावर नाचत होती, 
हळूच लपून मग आपल्याला बघून,
बघ आपण इथे एकटेच नाही, असं एकमेकांना सांगत होती!

चारोळी- २३

तु म्हणतेस, मी रेखाटलेल्या चित्रांपेक्षा,
तुला माझ्या चारोळ्या जास्त आवडतात,
कारण ते चित्र तुझ्या सौंदर्याची साक्ष देतात,
आणि त्या चारोळ्या, तु्झ्या ह्वदयाची!

चारोळी- २२

हात तुझा हातात घेऊन, 
मी नविन वर्षात पाऊल ठेवलं...
या वर्षाचच नाही, तर पुर्ण जिवणाचं स्वप्न
मग मी तुझ्या चमकदार डोळ्यांमध्ये पाहिलं!